|
|
26 junio
من اول مارجعت من السفر ماشفت الكبينة
وانا الي كنت احسبك قبل مادوس ارض المطارتجين
تكونين انت اول شخص عيني تحتضن عينه
وكنت اتخيلك من زودفرحت رجعتي تبكين
وشو ف بدمعتك حكيك ا عرفه قبل تحكينه
تقولين الوطن نور اقول بنور مضوينه
تقولين لي غديت احلى واقول عيوك الحلوين
كلام النام بشفاتك وخفتي لاتصحينه
ذخرتيه الغرام الي ينام وتركتك تصحين
تغانمتي غياب لين رجحتي موازينه
تعلم من يدك لمس الكفوف وعلمك تجفين
وليتك لالقيتي به شيء فيني ماتلاقينه
مهب غرور لكن خابرك مالك امل تلقين
تغافلت الغلا ولاالحلى مهب من زينه
تزينه الصور بس الصحيح ابن الحلال ازوين
ونا ماني بناقص عنه يوم انك تبدينه
نصيبي هو نصيبي لويسددها من الصوبين
قنوع بمظهر والسم مايذبح ثعابينه
على قول المثل ماني بحلو لكن ماني بشين
اذااهداك الزهر مره فانا اهديتك بساتينه
واذاالهاك بفرح ليلة فاناتهت لبكاك سنين
واذااستضعفتك املاكه وشتتتك ملاينه
انا حتى فتات الخبز اقصمها معك نصين
طموحي بس اجي واذخر بشيء تستحقينه
تدينته, تسلفته, سرقته, مو مهم من وين
كاني من كثر مرضى بكل الي تمنينه
لو انك تطلبين الله يعنين بقول امين
انا ماالعب على الحبلين وقت الطيش وسنينه
تبين الحين يوم اني كبرت العب على الحبلين
ترى عند البدو بذات عيب الي تسوينه
غلاتك لاعشقتيني تعشقيني ليوم الدين
غرام نسكن اضلوعه حشيمه من مجانينه
جفا يجمع معزتنا ولاعشق يذل اثنين
كثار الي تحدوني وقالوا تحبينه
امانه لاتخليني ضعيف بعينهم تكفين
لاني كل مقالوا تخون اقول مسكينه
عليك الله وامانه علميهم من هو المسكين
انا خايف اذا طاح الجمل تكثر سكاكينه
وانا ماعاد ضلوعي تتحمل طعنة السكين
مثل ماقالوا المكتوب واضح من عناوينه
لو ارحل منك للغربه بسافر من ظلامك وين
كفايه كل حلم يمر فرقادي تزورينه
كفايه من تفارقنا وانا ماغمضت لي عين
قبل يومين شفتك في المنام وقمت من حينه
ونمت امس ورجع نفس المنام الي قبل يومين
|
|
|
|
Herramientas 
Ayuda
